meSho
آخر رسائلي (كل رسائلي)
If you don't know where you are going, any road will take you there
إن الظروف لا تصنع الإنسان , إنما تكشفه لنفسه
يوم العيد دخلت بيت جدي وشفت بالصاله عبدالرحمن منسدح على
نفس الكنبه الي يجلس فيها جدي ولاف الغتره على وجه بنفس طريقته !!
وربي انصدمت اول ماشفته ضنيته جدي بس استوعبت بعدين 
يا الله قد ايش اشتقت له وقد ايش كتمت نفسي لا أصيح واخرب عيدي يوم تذكرته
هذا ثاني عيد يمر من غيره .. يارب يارب ارحمه واغفر له واجعل مثواه الفردوس يارب 
وآخر تحديث في November 30, 2009, 9:03 pm
قبل أمس كنت متضايقه مرره ومالي خلق شيء
وفي نفس اللحظه كانت ضحى اختي وأبرار بنت عمتي يطلعون نتايج القبول بالجامعه
الجو متوتر وحوسه وعلى مايفتح الموقع والي علّق عندها والي مش عارفه ايش
الي يشوف اشكالهم يحسهم صدق حقين ثالث او فوق راسهم هم كبير 
وجيههم واضح عليها علامات ارتباك خوف وامم مدري !!
جلست اقارن بيني وبينهم بما اني زعنانه شويات
فشسمه يعني ماادري ليه حسيت براحه وكأن مزاجي بدا يتحول خخ
يعني مثل مايقولون الي يشوف مصيبة غيره تهون عنده مصيبته
الموهيم على الساعه 2 في الليل تقريبا فتح الموقع المخرف وطلعت
نتيجتهم مقبولاااات ولله الحمد في نفس الكليه الي يبونها 
يالله على اشكالهم اول مادرو ياليييييييييييتي اخذت صوره لهم
من جددد تعابير وجههم شيء ثااني شيء جميل, حسيت بشعورهم
وجلست انطط معهم كأن هم انزاح مني لوول
وأمس سحبوني معهم وطلعنا وفرفرنا لماً قلنا آمين من جد وصلت البيت
ادوّر غرفتي بس مااااااااخلوني انام الا 8 الصباح
حلو لما تحس انك انجزت شي في حياتك وحققت الي تبيه 
وآخر تحديث في December 1, 2009, 4:57 pm
.
.
الصور - 
-
وآخر تحديث في August 9, 2009, 7:27 pm
لابتوبي رجع جديد بعد الفورمات
وملفاتي رجعت بعد .. ماصدقت وتشققت من الوناسه
لكن فيه شي ناقص !!
افلامي دراماتي وكللللللللل ابوها اختفو !! 
وينهم ؟ ماادري !!
انا حاطتهم في المستندات في ملف الداونلود .. وباقي اشيائي حطاتهم بملف خاص
ويوم جا بينسخ ملفاتي قلت له ابي كل الجهاز !! حط لي كللشي الا مستنداتي 
ع العموم الدرامات لاحقه عليهم الله يخلي التورنت .. اما ملفاتي وصوري شيجيبهم ان اختفو !!
هذا جهازي بعد مارجعت له شخصيته
وه عساني ما افقدك
وآخر تحديث في December 1, 2009, 4:51 pm
تعالي نلون هذا المطر
تعالي نغني نشيد السحر
تعالي نلملم حلماً جميلاً
رسمناه يوماً ثم انكسر ...!
تعالي لنجمع قطر الندى ..
ونجمع رجع انبعاث الصدى
ونبني جسرا بنبض القلوب
تعالي نعيد بهاء القمر ..
تعالي نحلق فوق الغيوم
تعالي نخبئ سر النجوم
فهذي النجوم شريكاتنا
بليل طويل مضى وانحسر
تعالي نسافر مثل الشراع
ونترك ما فات دون وداع
ونبحث عن جزر لم تزل
تنبت حباً .. شهي الثمر
تعالي لنحمي حلم الحياه
تعالي لنرويه .. عذب المياه
تعالي نسيجه بالعيون ..
ونبعد عنه ظلال الخطر ...
تعالي نصد هجوم الرياح
تعالي لنجمع نور الصباح ..
فما دام في العمر ..يوم جديد
سنصمد في الريح .. مثل الشجر ...!!
* منذر أبو حلتم
البالون قبل التعديل ; هنــا
وآخر تحديث في July 22, 2009, 11:06 pm
وش أحلى من الطلعه في الليل
مع ماما وبابا وبس
يا حلاتي وانا مخلصه واخواني يفحطون في المذاكره 
والله شعور جميل
هو ماخلصت نهائي .. باقي لي ماده وحده 
بس اسم ان ماعندي شي بكرى
المهم مب هذا موضوعي
اليوم في السياره يسألني بابا وش الفرق بين السنه والعام ؟
امم حسيتها مرادف ومافيه مقارنه بينهم .. مب اثنينهم 365 يوم 
؟
بس يوم قال لي الآيه "فلبث نوح في قومه ألف سنه الا خمسين عام"
ليه ماجت الآيه " ألف سنه الا خمسين سنه " او العكس "الف عام الا خمسين عام" !!
دام سنه وعام مذكورين في آيه وحده اكيد فيه فرق
والايه الثانيه "فلبث في السجن بضع سنين "ولما نقول "كل عام وانتم بخير"
هنا كأني بديت أقتنع وحسيت مثلها مثل الفرق بين الريح والرياح
ان العام يمثل الجانب المشرق والمفرح والمليء بالسرور والأيمان
وأما السنة فتمثل الجانب السيء والمحزن والحوادث والكوارث
معلومه حلوه اول مره اسمع فيها
وكل عـام وانتم احلى 
: ( f )
وآخر تحديث في June 25, 2009, 10:52 pm