yahyyy I'm supper happy my work  fearless was Featuring in australia magazine in the internet plus  my work I become a real bird was the cover of the four issue

and you can dawnload the magazien from here

الصورة المرفقة

الصورة المرفقة

اليوم الغيت حسابي في الهوتميل , واللي كان اول حساب  من استخدمت الانترنت كنت وقتها صغيره ومع  تحذيرات الاهل من كشف هويتك الحقيقه بالنت , والمشاكل اللي راح اتصير لو احد عرف اسمج الحقيقى   والتهويل لدرجه الخوف   اللى وقتها حسيت انه كشف اسمى بالنت يمكن يؤدي الى الموت   وتلطيخ شرف العائله , وهذا الشي خلق حقيقتى المزيفه , شخصيه لها اسم وعمر وبيئة وجو مزيف لكن الشعور والاحساس والتصميم والاحداث اليومية والتعاطي مع الاشخاص والمشاعر المتبادله  حقيقة , شخصيه مظهرها مزيف وداخلها حقيقي , ايام زمان ما كان عندي مشكله ويعني الفت لي اسم مزيف !!   ويعني كان لي عمر مختلف !! ويعني كان كنت وحيدة اهلي من البنات وانا عندى عشر اخوات !! دام الشعور حقيقى ما يهم المظهر المزيف !! لكن مع مرور السنوات حسيت اني بقفص !! محبوسة بالمظهر والبيئة والعمر والاسم المزيفيين !! ليش ما اقول اسمي الحقيقي !! ليش ما افصح عن مكان عملي وشنو فيها لو عرفوا من عائلتي وليش ما انشر تصاميمي ب اسمي الحقيقي , وليش ما اكلم اصدقائي بكل شفافيه وراحه بدون الخوف انى اغلط ب اسمى او شي يدل على هويتي الحقيقه !! وهذا سبب لي حالة صراع نفسي هل انا حقيقه او مزيفه !! خصوصا اني كنت من مشجعي التعاطي مع النت بشفافيه خاصه حول الهوية اللي تكتب فيها واتصمم بالانترنت , مع اني كنت ملزمه نفسي انى ما ازيف داخلي بكل ما فيه من ايجابيات وسلبيات , الا ان هذا القناع اللي خلقته حولي كان احيانا يجعلنى اكذب او احور في بعض الحقائق علشان تناسب الظهر والاسم اللي خلقته لنفسي وبصراحه ما كنت هذا الشعور

تقريبا من سجلت برحلة حياة باسمى الفعلي   بدأت شوي شوي اهجر شخصيتى الاخر , بدأت اسجل كل بيانات باسم نوضه وكان شعور حلو   ومريح لنفس , بدأت اتعاطي مع الاشخاص الموجودين بالنت بشخصيتي ومظهري واسمى وعائلتي الحقيقة , بدون اي احساس بالخوف لكن من وقت لوقت كنت احتفظ بذكريات واصدقاء وحياة وجو شخصيتي السابقه , تقدرون اتقولون حنين كمصممه معروفه برحله حياة ولى متابعين كعضوه  بعدة بالمنتديات ومشرفه ومراقبه يعني حياة  كانت حافله بالاشياء المثيرة والاصدقاء الكثر واللي يمكن ما يكونوا اصدقاء بقدر ما يكونوا معارف وعلاقات عابره

لكن اليوم ولسبب غير معلوم حتى لي ,  قررت اني اقتل ببطئ هذه الحقيقة المزيفه واحتفظ بنفسي و اول خطوة الغاء حساب الهوتميل بكل ما فيه من علاقات وحياة انترنتية بنيت على اكاذيب

Featuring

يومي-برعاية-دانكن-دونتس

يومي برعاية الماءْ

مراحب   لونق تايم نو سي , اشتقت لكم وايد   الايام اللي طافت كنت منشغله بالعمل , التفكير بمشروع الخاص   وكل يوم طالعه بفكره لووول , الذهاب الي مقابلات عمل والتخبيص   احد يتخربط لما يجي بالمقابله مع اني محضره اشياء في بالي     بس كلها اطير وقت المقابله وساعه ما اطلع من المقابله انسي شنوو قلت  .. لذلك فكرت اسوي موضوع جماعي   اتعرف اكثر على اعضاء رحله حياة وما فيه شي يدل على انسان اكثر من مكتبه بالعمل   لانه يقضى اغلب وقته وفيه ويعبر بشكل عام عن شخصيته لذلك ببداء بنفسي    روتيني اليومي بالعمل بالغالب يبداء 5.45 فجرا اقعد من النوم اغسل وجهي افرش والبس الساعه 6 وربع اكون بالسياره   لاني اذا تاخرت عن هذا الوقت تحوشني الزحمه ونا انسانه ما احب زحمه الطريج , مثل ما انتو شايفين بالست الاول من الصور , اول ما اطلع من لفته بيتنا بويهي الاشاره   بعدين صوره منطقه داومي  المرقاب المبنى الكبير اللي بالويه مبنى التأمينات الاجتماعيه   ابي اشتغل هناك بس ما يبون منقبات   , بعدين مواقفنا العزيزه  على بعد 10 دقايق مشى   بس موفرين باصات تسفط تركب الباص يوصلك للبوابه الداخليه لوزارتك بس بما اني ايي بدري ما يحوشني الباص , واخر صوره مجمع الوزارات اللي اشتغل فيه  

الست الثاني من الصور برعايه مكتبي لووول طبعا قبل ما اروح المكتب امر على ستاربكس اللي بوزارة الماليه , اطلب قهوتي المعتاده كراميل مكياتوا اكسترا  حاره   واستفتح فيها صباحي , ابطل الجهاز واتصفح يتيوب

بعدها الست الثالث الشغل   اشوف اذا عندي كتب موقفه ادزها , او اسئله يحتاج الرد عليها اذا كان عندنا اجتماع احضر له واذا فيه اخطارات اوزعها ع الساعه 10 اخذ استراحة شاي اخضر   , عدة معاي , غلايه ماي واكوابي وسكري , لان مطبخنا تطلب من الشاي او القهوه يجيبها لك بعد ساعتين !!! بعدها اذا فيه شغل اكمله اذا ما فيه اتصفح النت , بالعموم انا انسانه مكتبيه يعني ما احب اطلع من المكتب ونادرا تلاقيني بمكتب ثاني اسولف !!! اذا عندي شغل طلعت وخلصته اذا ما عندي لازمت مكتبي وكاني خوش بنية

متحمسة اشوف مكتب دلول   مكتب طلول   مكتب ذهب بس اعتقد انها بيبة وتوها تدرس مكتب شذي , بلام , الياسمين اروى , احمد بس هقوتي شفته مكتبه من زمان   بس مو متاكده, وناس كثير مو حاضرتني اسمائهم

ملاحظه: ايه تراني انا اللي مسويه حامله الكلبس اللي فيها زراير ورد   , اخذت مملحه زجاجيه طبعا مخرم الغطاء مالها واخذت كلبس ملونه وركبت عليها الزراير كانها ورد بعدين حطيتها في فتحات الغطاء   عطت منظره حده كيوت ومنها احفظ الكلبس من الضياع