مغرورهـ
آخر رسائلي (كل رسائلي)
· عيـدي 3
· يوميـات لنـدنـ 13
· طريقي لقطر 1
· يومياات دوامي 3
· غير مصنف 1
· غير مصنف 1
· غير مصنف 3
اسمي:مغرورهـ
حياتي:عمل وبيت ودراسة-وغربة حاليـا
صدمتى:أنت
عشقي:السفر
نـفــس روحــي بعـد روحـى وحــالـي
عسـى دايـم وشـمسـك ماتـغيبـي
عـن عيـونـي وعـن قـلــبي وبـالــي
لا ،، مب حلــم وأخيرا باوثق دوامي ،،وعجبي عجب من هالبنات في الشغل
بصرآآحه ،، صدمات مابعدها صدماات،، ولاني ترى مب على قوتي بكيت ،،انهرت ،،
مادري شاللى اقدر اسطره هنا بس انصدمت من اعز صديقة لى بالدوام،،
سوت عزيمة وعزمت بنت -ماحبها كلش ومعرووفة انها مريضة وتخرب على الناس ترقياتهم وتنقل كلام للمدير الكبير فووق-وكل ربعي وانا لا!!
ولمدة اسبوعيين تتجاهل ومسوية عمرها انها مب غلطانه ويوم قالت لها وحدة انها قالت لى امس انصدمت وقالت لها اني متغيره عليها من يوميين بس!! ارجووج والمهم جاتني تركض ،،
سوواااال الحين يعني بالعقل لما تصير عزيمة طيب معقوولة مابعرف!!! طبعا انا عرفت قبل العزيمة بوميين سبحان الله رفيقتي اللى انعزمت سالتني قالت بتجين! قلت ووين ! وبس انصدمت وجاتني ثاني يوم بعد العزيمة وتقول ليش سوت جيه فيج وتبكي مسكينه عورت قلبي طبعا انا بكيت بس يوم راحت ،،،بكيت! ليش !!
مب عشان الاكل 
لا لاني اعرف نفسي عدل حطيت اكس على هالصديقة طلعت ولاشي ،،نست ايام لندن ووقفتي وياها نست كل شي تقول لى انتي رفيجتي واحبج! ووين ياباااباا ووين!! مشكلتها تحسب انها تلعب على بس يوم جات تواجهني ليش متغيره طبعا هالاخت المريضة كانت مطلعة كلام على هالرفيقة -القديمة- وانا ماقلت لها لاني اعرف مب مصدقتي بس الكلام انقال انج انتي قايله عن فلانه كيت وكيت وهالفلانه واجهتها ،،ويوم جات تواجهني قلت انا بس متضايقة من هالموضوع وماكنت اقدر اتكلم فيه لين تفتحه صاحبه الموضوع وبس ،،صدقت،تحسب اني غبية!! المشكلة اني اقرا كتب شكثر-الحمدلله قووولووا تف تف ماشااءالله- فا انا احط عيني بعينها وهي تتكلم وراسها تحت وماتناظرني! شنو معناته تقول ادق عليج ماتردين! ارجوووووووووووج وفلانه دقت تقول ماتردين! وانتي متغيره وانتي ماتكلميني قلت طيب مسج قالت لالالا لازم اقول لج فيس تو فيس وانتي اصلا ادري مب جااية !! تكفيييييييييييييييييييييييييييييييين!
طبعا نفسيتي تغيرت وواجد وحسيت انهم ولاشيء سخافة عشان هالمريضة ولانه من العائلة -- يبون يعني مظاهر الدنيا!
بل صدمتي فيهم كبيرة بس الحمدلله ،،طلعت من هالحالة ،،لكن بعد ضيق كبير واحمد الله عرفتها على حقيقتها ،،مابي اقول انها تروح كل مكان وتتكلم تقول ماصلح اصر مدير لاني-طبعا هذا غير اني معقدة- ماحب اجتمع بالرجااال ! من يحب!! 
طبعا الانفتاااح مالهم غير عني وعلى قولتها انه انا استحي يزياادة وهم بالنسبة لى مايستحون!! ماجادلتها قلت الله يهديها
لكن تروح تتكلم فيني!! مااصلح امسك قسم!
بل هذي اقوى صدمة بحاتي ،،و
رحت الشرقـــــــــــــــــــــــــــــية 
اي والله شنو استانست غير جووو ومشي للراشد كل يووم صبح وعصر وليل مااظن خليت شي ماشريته
غيرت جووو ودخلت جوو ثاني وارتحت شوووي
ورديت شغلي 
وطبعا قاعدتي بداومي انه كل مارجع من اجازة يغيرون قسمي 
سبحان الله وبس
الخيره فيما اختاره الله طلعت من هالمكتب اللى فيه رفيقتي-القديمة- والمريضة وصراحه ارتحت ووواجد
رحت قسم حاااسب 
اي وماالحب الا للحبيب الاولي 
ضعط مب طبيعي كل شي على رأسي ومعاي الحمدلله 4يشتغلون محترميين وينفذون الاوامر ويشتغلون وهاي المهم طبعا اجانب لو قطريين ماظن باقول كلمة ,,
وووووووبس لى اسبوعين بهالشغل الجديد طبعا مب مدير بس مسؤوله عنهم
وووو اي رحت دبي الاسبوع اللى راح موتمر عجيييييييييييييييييييييييييييييييييييب الجووووووووووووووووووو 
مطر مطر وحركااات وانا امشي رايحة الموتمر قريب من سكني 3 دقايق والمظلة اللى معطينا اياه الموتمر ياحليلهم حسووا بيطق مطر بصراحه تذكرت لندن
احسها من زمااااااااااااااااااااااااااان هالندن
وبس ،،اخباركم كلكم!! اتمني الكل بخير واحسن مني ومن حالتى الاواقعييية ،،في حديث للنبي عليه الصلاة والسلام بمعناه لاتحب كل الحب ولاتبغض كل البغض سبحان الله ،،،
وامررها لكم
ياآآآآآآآآرب يفوز الغرافة بكرة في الاسياااويية
وآخر تحديث في March 9, 2010, 1:10 am
صباآآحكم أحلى من العســل ،،،
صباــحى زحمه،،، وساعة بالسيــارة لين اوصل دوامي،،
اما دوامي،،فا مااحس اني بخير فيه،، كل يومين وانا مريضة! 
طلول وش الحل !! 
انا مداومة على الاذكار ولله الحمد ولاتنسونها انتم بعد
وبسـ كنت ماانام ،،انطر نتيجتي،، وكل ليلي سهر وارق وعذابــ،،
بس
طلعت نتيجتي الحمدلله والفضل والمنه له وحدة ومن ثم لوالدي ووالدتي و لكم انتم
بصراحة،، بكيت بس بعدها بيوم ومااااااني للحين مصدقة !
تخرجت ونجحت ولا جبت جيدجداً<<توقعت هالدرجة والحمدلله
وبـس،، احس بفراغ ،، تدروون ،،احس اني ماني انا ! 
صرت غير،، غيرتني الغربة !
صرت اقرب للعصبية والغضب من قبل!
صار صوتي يعلى ووو فيني شي مادري شنو يبي يظهر!
مادرى يمكن لاني هناك كنت ماابكي! وكل ليلة ودي ابكي بس ماقدر والسبب بكرة دوام ولازم اروح و مابي يبين على البكاااء 
بس ابي اغير ابي اطلع ابي اروح مادري
للحين مشتاقة لقطر،،للحين كل شارع تمشي فيه السيارة اطالعة كاني اول مرة اشوفة
قررت ،، ادش دورة ،،اي دورة تغير لااكثر ولا اقل بس للاسف معظم الدورات وقتها غلط!
فا بالاخير قررت اشترى لى كم شغله من جرير وابدا اغير والعب واطلع من جو الانتظار
انطر اقتراحاتكم !! شنو اشترى واخربط فيه
دقيت على رفيقتي ومت ضحك تقول لى انتي تعرفين ترسمين قلت لااآآ بس ابي اغير ابي اسوي اي شيء
بس صج صحكتني
واعتقد ويمكن اكيد اني انطر صدمة عشان اطلع من هالشعور
ليش الحزن ساكن روحي مادري!
حاولت اني اغير بس غيرت لون شعري صاار شوكلت على اورنج بس عجييييييييييييييييييييب
ومممم ودي الحين اغيره عشان العيد بس ممممم مادرى
ابي لون صدمة
شرايكم بناآآت!!
هالايام عظيمة و اصوومها ولله الحمد وان شاء الله انكم تصومون
وانتظر ياااارب انه اطلع من حالتى
//كنت انطر نتيجتي عشان ادش بمدخل حلو والحمدلله حلو الخبر //
للكــل سامحوني على القصور
وآخر تحديث في November 24, 2009, 2:23 am
السلام عليكم ياجماعه الربع
شلونكم شخبااركم! اكييد مستناسين من زماان مادشيت ولا حنيت على روووسك
الحمدلله الذي بكماله تتم الحمد انهيت البحث وسلمته
وتوكلت على الله ياارب درجتي تطلع عدله
و للاسف بديت اول يووم دواااام اي يوم الخميس شووفووا بس شلون انا عكس الناس المهمم داومت وانصدمت
كح الشغل متطور من بعد مارحت عنه 
جددوا طريقه الدخول بطاقة يعني الباب يبطل بها
المهم دشيت من باب ثاني و المصري وااااااحليله طلع يعرفني والظاهر موصيينه علي 
سالته ابي ادش قال وقعي بالورقة وقعت وبس نسيت رقمي الوظيفيي وهنا مربط الفرس قال لى مش مشكلة انتي مش في الطابق التااني
@@
المهم انا عاد من ضعف ذاكرتي قلت لا الثالث انطروا بس احلى شيء جااي
وقلت ابي بطاقة زائر شفتها قدامه مصففة قال مش لازم قلت شلون مب لازم اطق بالبطاقة! المهم قال تفزليي واخذت بطاقة
وبس رحت للمصعد وضغطت الزر و اشووف قدامه شي مربع على بالى اسوي للبطاقة سكان واقرب شووي
كح
طلع مطهر مادري معقم خبرك عشان الفلووو 
اي اي اضحكووا مالت بس
المهمم ويوم ركبت المصعد انطر ادوور وين رقم 3 طلع ماافي الا 2
اي والله نسييييييييييييييييييييييييييييييت
هههههههههههههههههههههههههههههه
المهم
رحت مكتبي وطبعا مكتبي خذووه اورثووه بالحياه يامال المرض اي والله 
عاد اول انطباعي ماعجبوني 2 من البنات تو متوظفييين ونظراتهم كلش مب اوكي
المووووهيم
احساسي طبيعي صح<< الثقة
اي وبس نطرت ودقيت على رفيجتي وجات وسلمت على ودقيت على عاملة تسوي لنا القهوة واصلا انا جايبة العده
وعطيتها اكوابي و ياحليها تقول لى
طووولتي وووووينج ها خلصتي
يازينها هالمره على بساطتها طيبة وماتقصر
وبس تميت في المسجد جنب مكتبي طبعا انطر الفرج<< لالالالاجئه اي والله لاكتب ولاسنع
وجات رفيقتي الثانية اللى 2 اللى فوق وياها بنفس المكتب المهم
وتميت معاها على طول اليووم انطر السخيفة اللى ماخذه مكتبي تجي تسوولف اوتقول تفضلي مكتبج
لا طبعا كلتي بعيونها والتعيسة الثانية اللى برا كلش مب صااحية كل مابطل الباب- هي مكتبها برا واحنا داخل في باب بين القسميين-
بس ترفع راسها وتطالع من فوق لييتن تحت يامال بط العيوون مب عاجبتج يالتعيسة 
خير يامامااا انا ماحب البنات اللى تو متوظفيين ومسووين روحهم كلش
المهم وبس كلمت بنت 3 في مكتبهم اعقل منهم ومتزوجه قلت لها بخصوص المكتب فلانه ماشلت اغراضها ليش
قالت لى كلمي مديرج لانه احنا وسالفة طويلة عورت راسي بها بس يعني حسيت ماله داعي هالتكبير للموضوع مكتبي من 4 سنيين عسي مااشر والله ماتااخذه-ياارب يعني بس واخذ حقي-
قلت طيب وكلمت مديري اللى كلم مديرهن النجس الكذاااااااااااااب
شقال ! اي قال اصلا احنا خذينا المكتب من المديرة السابقة -هي فنشت وحطوا بدالها مدير والله يستر بكرة اجتماعي وياه-
اللعن ابو الكذب
طبعا موقف مكتبي انه جاوا من تحت وكسروا القفل وخذوا كل اغراضي وحطوها بكرتون ورموها بمكتب مديرتي السابقه ولا الاب توب خذووه وفرمتووه 
اي ورااثة عيني عينك 
ومديرتي عصبت وراحت للمدير الكبير اللى فوق-مسكين كل شيء براسه- وقالت له وقال مالهم حق مفرووض على الاقل تجي سكرتيرة مكتبنا وياهم ،بس عشان كذب انا ابي المكتب ومصره اخذه غضب او طيب لو دشيت عليه مااايهمني
اي وبس الاخت-اللي ماخذه مكتبي- ذلفت عندها دورة لمده سنه برا
يعني بصرااحه ان لم تستح فاصنع مااشئت
انا حااسة اني باجي بهوشة وحسيت اليوم مب معدي علي خير ولان الغربة تغير فا بكرة باصر على مدري ابي مكتبي
لا وبعد بارفع فيهم مذكرة اشكتي الرجوولة فيهم اللي مايستحون يبطلون مكتب بنت عيني عينك
من ضيق الاماااكن!! طبعا البنتيين اللى فوق طلع احساسي صج عنهم ومب مضبوطاات للاسف الشديد
ولاني مابي اصلا الاشكال ذي فا بكرة باحوسهم حووسة خصوصا ام عيون اللي مب صااحيه كلش
وبس حلو اليوم اي ادري استانسوواااا ،،
دخولي قوي بهاليوميية ادري لاداعي
احس فرق360 درجه من يوميات لندن ليوميات شغلي
هييه
اي نسيت اقول في كم بنت يقولون لى قدمي طلب ودشي على المدير الكبير طلبي منصب او عدلي مسماج الوظيفي
انا استحي والله بكره بالغصب باجبر نفسي اتكلم مع مديري عشان مكتبي وعشان بعد الشغل اللى بيكون لى لانه المديرة القبلية الله يهديها حاستها معاي وقصت على
دخلت اسوي شيء وللاسف مافي شي من تخصصي صاار
اي وبسسسسسسسسسسسسسسسسسسسسسسسس
واخبار عيديكم!
اانا بصراحه عيدي ورمضان كان شووي مضغوط وماتهنيت ولاحسيت بسبةهالبحث بس الحمدلله الله ان شاء الله يرزقنا رمضان القادم ويتقبل صيامنا وقيامنا
وبس اعتذر عن التقصير بكرة باسهر على يومياتكم -باثر رجعي-شااسوي
وسبحانك اللهم وبحمدك استغفرك واتوب اليك
وحشوتني وجزاكم الله خير وربي يوفقكم اللي بغربة واللى بشغل واللى بدراسة
وآخر تحديث في October 4, 2009, 1:16 am
الحمدلله الذي بفضله تتمـ النعمـ والحمدالله على نعمه الإسلام والحمدلله على كل حال
- قبـل دخولى هالبابـ
-أجهشت بالبكـاء-
-وتحاملـت على نفـسي -
وبلعـت حزنـي وغربـتي-
-هانـتـ-
-إي والله -
-هـاآآآنــتــ -
-مـاعـاد باقـى الإ دقائقـ-
و
**داري قطر من قداها،،،
شعور لايوصف،،
انا راجعة ،،،
اسابق احلامي واسابق كل انفاسي،،
الله يرجع كل مغترب/ـه لديرتهم
-عجيب شعور الوطن،،حب ماله حد وبلاسبب،،-
-أدري- شصاآآآ{ررررر
واللـه ،،توكلت على الله واستخرت وقدمت وجيت أدرس هنـا،،،ثاني قرار أندم عليه بحياتـي الأول-دخولى جامعه قطر-
الموهيـم
{ساآآآعه كاملــه}
اي استفتحوا فينـي ،،و مشتطيــن واحلى شيء الصينية تقول لى ابي مثال سوي على اللوحه
@@
حسيت اني طفلة صغيرة واشرح على السبورة جني باول ابتدائي
الموهيم،،
ماخلوا شيء ماسالوني عنه ،،،
بل صج مشروعي نسيت نصه بس تذكرت امس وخربطت وسهرت رفيقتي تساعدني في الاكسلـ-
- نعم! اي نسيت الاكسل 
<< هذا شكلى لاتنسوون حالتى كانت صعبة وماعرف شلون اسوي جدول تعيس للقيم وترى للحين ماصار بس حطيت اللى سويته ورفضة دوكتووووري وماكان في وقت اعدله
الموووووهيم
وووين وصلت اي تميت شاقه الحلق طبعا ولانه مايبين الا@@ فا يعني حاولت اوصل لهم شعور اني مب خايفة
كح
بس كنت اتنفس بصعوووبة لانه المزيييون-غير ذاك الروسي- يطالعني ويهز راسه بل طلع يفهم
والصينية مشتطة
الموووهيييم
ويدشون علييي مدخل عجيب وتساله فاهم يقول بعدين باسالها
اي والله من قلب نحيسسسسسسسسسسسسسسسسسسسسس
بس الحمدلله جاوبت وشرحت وسويت رن لبرنامجي -شغلته لهم يعني- ولله الفضل والمنه والشُكر انتهيت ،،
ادري ادري
باقي اكتب البحث وارسله لهم قبل العيد
اي ادري -تحسوون ادري عن كل شيء بعدين باقول لكم شلون-
مافي وقت 
مب مشكلة ربي يهونها علي
جزاكم الله خير على دعمكم وعلى كل سؤال واستفسار و -فزعه<< من قلب تسوي مشاكل هالفزعه
و
ربي يقدرني واوقف معاكم نفس ماوقفتوا معاي
احلى انشودة احبها لمشاري في قطـر
-احيان بس اسمعها وأبكي،،والصور عجيبة عجيبة ،،
**صور عجيبة لاغنية الجسمي ،،بصراحه ابدع فيها ،،سوق واقف بعد التعديل حديقة اسباير والشجر اللي فيها ترى من افريقياااا حديقة جاسم-شيخ الشباب - اهو مسويها 
و احلى شيء صور اليوم الوطني وفيلاجو - ومتحف الفن الاسلامي اللى ترأسة مياسة ياحليلها واهم شيء الشيخ خالد-<<غرفاوي مع فريق الرايسنق ماله -كح الوحش ركزي يمكن يطلع بو ايسكريم هنا
و بـس فديـ ترابـج ياقـطر ،،،
محفوظة يابلادي قطر ** بسم الإله المُقتدر
عين الله فوقك تحرسك** يالغالية من كل شيء
قـطـــر
ღأحبـــجღ
عندي احساس صاادق دايم اللي احسه يصير
ومممم اي ماظن بادش لانه بيقصوون الخط على بكرة يعني على 12 ماباشووف اي شيء لانت ولا تلفزيووون
فا استودعكم الله الذي لا تضيع ودائعه << استودع الله دينكم وأماناتكم وخواتيم اعمالك
وآخر تحديث في August 17, 2009, 8:31 pm
السلام عليكم يا جماعه الناسـ
أدرى ،، هانت ولاعاد باقي شيء وعشان تكمل مااناام الليل وعيوني حمراااااااااااااااااء
واحلى شيء ماقمت اكل الا وجبه وشكلها اعتقد وأظن انها فطوري وعليييه ليييييييييييين ثاني يوم 8 او 9<< عادي بس احس ابوي وامي بينصدمون اذا شافوني
اليوم على 10 نمت ،،امي دقت انصدمت ليش للحين نايمة!!
الموهيييم
خلصت المشروع او اعتقد اني خلصته
لكن لانه الدكتور ماعاد يرد على ولا يقول لى صح او غلط قررت اني خلصت
عيوني مب طبيعية -هي حاله دايم تجيني اذا عندي ضغط- يعني اشتغل ووواجد
فا عيني اليساار ترف لها كم يوم ،،وتبدل على اليمين
على العموم كليت فيتاميينB
اي تحت صورة كمبيوتري ولما اسوي تست ماااسوي اي شيء الا @@ -تبقق بعيوني- بالشاشة واحسب الثواني
اي بعد لازم الدقة والامانه
وشنو بعد
اي امس متذكرني استاذي ويقول لى وين النتايج حقت التجااارب اللي مسويتها بجداول !! تكفي بس انت ماتقول ولاشيء ولا تجاوب على اسئلتي ولا ترد
مب مشكلة ارسلتها وسوويت عرضي عشان يعلق عليه
ولا رد للحين الله يهونها ان شاء الله
الموهييم كنت اصلا ارتب شناطي-لين الحين 3 شناط وبااقي -
اي اي
نسيت
خلاص صكيت 3 شناط و بااقي بس اسوي شوبنق هدايا للصغاار
خصوصا لعبه الرقص هاي اللى تتركب بالتي في وارقص على فراش
الموهييم يعني باشتريها وشكلى بعد باشتري كم شنطة للمدرسة للصغار
وثيااب عيد ،،
قررت اخسر فلوسي الباقي عليهم مع اني كنت ناوية احوش- طبعا كل شهر اقول باحوش ولافي امل بالحيااة-
اكتشفت انه صج صج صج استانس لارحت وشخطت الكاارد - احساس لايوصف
يعني شاسوي صراحه فلوس غايتها نشترى فيها مب تم على قلوبنا !
الموهييم 
انا ماعندي الا قناة ابوظبي -بكيبل سكاي - لانه مب مسموح نركب دش مالت عليهم واحييان تخرب او موعظم -تكبير لمعظم عادي عادي- تخرب ليش مادري
ولى فترة اشووف كنآآآن << كح عمري ماتابعت مسلسلات لا مصرية ولاسورية ولا اي شيء الا ايااام المدبلج كنت احب الخاااندرو
بس صراحه عجيبببببببببببببببة مسلسل وداي الذئاب والاخطر دقاات قلب
عجييييييييييييييب شوي عليه
بس عاد ارمضان جاي ووباقي اكمل تقريري بقطر ماظنيت باتابع شيء الا العوضي لاني صج صج احبه في الله هالشيخ صراحه عجيب -الاثنين طبعا- وباشوف برنامج القرني حلو شكلة و
وربك كريم ان شاء الله تعدى على خير و بعد كم يوم بارد -طبعا مفاجاه لهم بقطر محد يدري متي بارد الا امي وابوي << هاي الشكل احبه احس يعبر عن مشاعري لامي وابوي مب دموع
ووووووووو
بس
اخليكم ترتاحون شووي من هذرتي
و اي اي اي نسيت
جزاكم الله خير،، كلكم بلا استثناء اللى وقفتوا معاي وكلمه وكلمتيين رفعت من معنوياااتي
البنات تسلمووون -كنت صج ماقدر اقول لاخواتي مايبي يقولون لامي وتحاتي-
والشباب - اخجلتم تواضعي صراحه
-ومس يو كلكم من الحين -
*اتمني ادش قبل لا ارد قطر
وآخر تحديث في August 15, 2009, 7:33 pm
سؤال:حد يعرف يبرمج جافا والا يعرف حد ابي مساعدة باخر جزء من مشروعي التعيس
دكتورى سافر كندا وفارق الوقت ومادري شنو مايرد على
وآخر تحديث في August 11, 2009, 9:58 pm