فيه واحد ذكرني بمواقعي اللي مسويها من زمان فحبيت أشاركها معاكم

هذا موقعي أول مابديت إنشاء المواقع عام 1998 تقريباً بنفس التصميم من تلك الفترة

sokar.8m.com

لاحظو فيه روابط على اليمين للمواقع اللي صممتها بنفس السنه تقريباً

وبعده سويت لي موقع ثاني بالفلاش من الفضاوه . . ومازال بنفس التصميم أيضاً

drtalal.8m.com

الجميل بالموضوع انه من ذيك السنين وإلى الآن المواقع شغاله على إستضافه مجانيه من

FreeServers

تفرجو على كل حته بالمواقع راح تكتشفون عجايب

ومستعد أجاوب على إستفساراتكم

كيف حالكم أن شاءالله بخير

تحديثات عن أجواء بوستن

link

منافسة ليومية نوضة

يومي برعاية كارميل ماكياتو

من ست سنوات وأنا أبدأ يومي بدانكن دونتس

سودااااااااااااا بدون سكر .. ودونت

كويس أني قدرت أعود نفسي على شرب المويا أول شيء الصباح قبل القهوة.

--

سيارتي Crown Victoria

مديل 2006

 لها معي اللحين ثلاث سنوات

--

وجينا لمربط الفرس والمكتب

أنا توي أحصل على مكتب بشغلي.. وهو مكتب مؤقتك

- يعني يمكن مؤقت لعشر سنين -

عشان كذا ماني مهتم فيه ..

وحوسة الورق لابد منها

أصلاً ماعرف أشتغل إلا كذا

مره واحد من الزملاء رتبي لي اياها .. دقيقتين وألا أنا حايسها لاشعورياً

وشرايكم؟

مافيه وجه مقارنه

*صورة دانكن والسيارة من قوقل.

بسم الله الرحمن الرحيم

الحياة كلمة .. برنامج يعرض على قناة الـ MBC ..لفضيلة الشيخ الدكتور سلمان العودة.وأختيار الاسم أكبر من محتوى البرنامج ..حتى أصبحت أتذكر الاسم دائماً عندما أسمع مايعجبني..ويدخل السرور في قلبي
فالحياة كلمة..اسم لا يمكن التفكير فيه إلا بشكل إجابي ..ربما طريقة نطقه هي ماتمنع سلبية التفكير
وزاد الاسم إجابيةً .. الدكتور سلمان نفسه .. بَشَاشته وبساطة أسلوبه .. وروح الإجابية القامعه في ذاته
ولي مأخذ على إحدا فتاوية .. وسأذكرها بيومية منفردة ^*.. والخلاف لا يفسد للود قضية

يمكنكم الحديث عن إجابية الكلمة في موضوع مطول .. ولكن تذكرت بأن للكاتب تركي الدخيل مقال يمثل قوة الكلمة كسلاح ذو حدين

من هنا - بس بشويش على الماوس

*هذا المقال قديم

كتبته وحفظته بالايميل بتاريخ

13 Jan 2009

الفتوى المقصودة في المقال .. هو جواب الشيخ على سؤال وجه له من قبل احد الأخوات.

تقول: أستطيع الاتصال بشبكة الوايرليس الخاصة بالجيران.. واتصفح النت عن طريقها..

بدون علمهم وحتى بدون الاستئذان منهم.. ما الحكم في ذلك؟! وهل تعتبر سرقة؟!

كان جواب الشيخ.. انه اذا كان اتصالك لا يزيد من تكلفة الانترنت عليهم .. فليس في ذلك حرج.

وأنا رأيي بأن هذا قد يسبب المشاكل للجيران .. فالانترنت مراقب.. وربما تدخل البنت على مواقع سياسية

فيراقب رقم البروتوكول IP .. الخاص بالجيران .. مما يدخلهم في تحقيق.

العنوان هي حروف لوحتي الجديدة..

والموضوع عن حقائق واجهتني في تجديدها..

الصبح الساعه عشر.. رحت وأنا بقلبي "الله يعينني على غثى المرور".

دخلت مرور الملز.. قسم الإستمارات والرخص.

أول من قابلني عسكري الإستقبال.. وعلمني وش لازم أسوي ووش الأوراق اللي أخلصها.

وسحبت رقم وجلست .. رقمي كان 36 .. والشاشة 15 .. وفي ظرف نص ساعه واصلني الدور.¹

رحت للكاونتر..

قلت للعسكري: "فيه خانه ماعرف وش أكتب فيها بالنموذج؟!"

رد: "أكتب اسمك وتليفونك وخل الباقي علينا"²

وسلمته أوراقي ورحت وجلست أنتظر اللوحات الجديدة ..

أستغربت أن اللي سلمو أوراقهم بعدي أستلمو لوحاتهم قبلي وخلصو وراحو!!

رجعت للعسكري اللي يسلم اللوحات..

أنا: "لوسمحت ياخ .. أنا مستغرب من اللي جايين بعدي وخلصو قبلي!! لايكون أوراقي ناقصه؟!"

هو: "وش الاسم؟!"

أنا: "طلال"

هو: "طيب أسترح وأناديك"

رحت جلست دقيقتين بس.. وناداني ..

هو: "معليش ياطلال بس عندنا طابعتين وحده منهم بطيئة وصارت أوراقك عندها عشان كذا تأخرت"³

أنا: "شكراً"

وأخذت أستمارتي الجديدة ولوحاتي بساعه.

*مثل ما المساويء تـُذكر .. المحاسن يجب أن تذكر.

¹ معناته خلص 20 شخص في ظرف 30 ساعة.

² يسر علي أموري الله ييسر عليه.

³ أعتذر لي .. وعذره قبلته حتى لو هو مهو بطريقة مباشرة.

ايه لا تلوموني بفرحتي بهالإجازة

هذي أول مره من ثلاث سنين دوام أخذ فيها إجازة مدتها شهر

وعلى فكرة أنا من مناقضين اللي ياخذون إجازات برمضان لعدة أسباب:

> في رمضان الشغل خفيف ولله الحمد .. ودوام خمس ساعات .. واللي يقول غير هالكلام ويشتكي .. أقوله رح للدول العربيه والإسلامية المجاوره وشف دوامهم برمضان .. هو نفسه بغير رمضان .. يعني اللي يداوم بغير رمضان عشر ساعات يداوم برمضان عشر ساعات برضوه .. والإجازة للعيد عندهم يمكن ماتتعدى ثلاث أيام.. لذلك الحمدلله والشكر.

> النقطة الثانية لرفضي لإجازة رمضان .. أن الإجازة تساعد على الكسل.. وواحد من الشباب قال كلمة اليوم وأنا أوافقه فيها.. يقول برمضان لو مافيه دوام كان مافيه أمل تقوم وتخلص أمورك الخاصه وتصلي وتعبد الله.. بس بوجود الدوام أنت مجبور تصحى وتطلع وتشتغل.

طيب ليش وأنا رافض الإجازة الرمضانية أخذت إجازة

> لأن القلق جاي بشهر أكتوبر

> ولأني حتى وأنا في إجازة .. قاعد أستقبل مكالمات عمل

> ولأني قبل لا أطلع من الشغل.. قلت لهم أنا موجود تقدرون تتصلون بي على الإيميل أوالجوال .. وتخبروني بأوقات الإجتماعات .. وأشوف إذا أنا أقدر أجي ولا لا <<----- مدير

> ولأني مكلف بتصميم لازم أخلصه قبل 15 سبتمبر ..

ماصارت إجازة