السلام عليكم

الويك إند الي قبل الي راح كنت في جدة .. منها شغل و استجمام في نفس الوقت

بصراحه أهني أهل جدة بالمدينة الحلوه بصراحه و (النظيفة) إذا عزلنا المدخل من التقييم

هذي أول زيارة لها من 9 سنوات تقريبا .. طبعا أكيد قد جيت عمره قبل كذا أكثر من مره لكن ما أجلس في جدة .. أمر بها مرور

و بصراحه, جد جد!! جدة غيييير!! شعب غير ...عقليات غير... أسلوب الشوارع غير ... سواقه الناس هناك غير

طبعا ......إلى آخره

أرض جدة أرض خصبه تستطيع إستقبال أي موهبه أي عمل  أي ثقافة إذا حبيت إني أشمل كل شي

هذي شي في مجمله ممتاز.. و له قليل من السلبيات ... الي ممكن تحل بالقوانين الصارمه ...

على العموم .. ما ودي أتعمق... هذا شي مو في تخصصي ولا في إهتمامي لكن بس حبيت أشارك بالي جا في بالي بعد الزيارة

يوم كنت هناك يوم الإربعاء كان فيه حفل توقيع فرقة عنائية في جدة تغني هيب هوب مع شركة Virgin Digital Red... بصراحة شد إنتباهي ... و فتحت الإنترنت و بحث عن أي خبر عن هذا الحدث و لقيت... فرقة إسمها جدة ليجيند..

سمعت لهم ... يعني شغلهم جميل (ما أحب الهيب هوب كثير) لكن الحق يقال .. ناس لغتهم الأم عربية و يغنون بالإنجليزي بهالجودة .. أنا أهنيهم...

السالفه و ما فيها إني و أنا أبحث ... إنصدمت في كثير شغلات .. بصراحه سالفة تأثر الثقافة الموسيقية عندنا بالعالم لدرجة إن يطلع من عندنا فرقة death metal !!!!!  هذي بصراحة (مصاخه) إذا جاز لي التعبير

من جد ناس تغني بأسلوب تضخيم الصوت لدرجة إنك معد تفهم شي من كلامه .. طبعا هذا بغض النظر عن خلفية هذا الأسلوب الغاني (المخيفة)

طبعا أكيد أنا أتكلم عن بيئة جدة الي أنا أعتبرها بيئة مثقفة و مفتوحة .. لكن أعتقد إنها يجب أن يكون فيه توعية مع هالثقافة العالية ... (لقليل من الناس هناك ليس الجميع)

هذي أغنية أعجبتني من هالفرقة .. حبيت الكلمات و البرودكشن

.. وهي عن (الأم)... مؤثرة

تشاو