ممزق بين عالمين: العالم الذي كبرت فيه والعالم الذي يجب علي ان اعيش فيه الآن وكلما سارعت بقطع صلتي بذلك الوطن البعيد خفَّ ألمى ومضت ايامي بسرعة وكلما تعلقت به واستعجلت اليه كلما تعثرت.

إشتياقك لعالمك مفروض يكون دافع لك تنجز به ما جئت لأجله.. يشدني الحديث عن الغربة..

مرة قرأت موضوع لمغترب يودع فيه شقة الغربة تحدث عن كل جزء فيها كأنها جزء منه

.....................................................

 بعدين وش معجلك ع الحر اللي هنا بالرياض^_^ ..اللي يهون الغربة الرصيد الكبير من التجارب

مو إعتراض بس اللي مصبرني على الرياض المحرم هههه..

سريعاً بتكون أيامك هذه من الذكرى ..

مــــــــودة

الله يعينك أحمد...

حقيقة ماجربت هالشعور بس أحس الذكي اللي بيستفيد بـ شكل إيجابي طبعاً منها...

ويحاول يوصل لهدفه بأسرع وقت ممكن...

.

.

.

موفق بإذن الله

اخيراً رجعت ، كنت افكر وين رحت @@

اللي تكلمت عنه (احساس العيش في عالم آخر)

احساس حلو بصراحة ، خلنا نسهل الموضوع على شخص متعلق ببيته واهله ومايحب يغير الأشياء اللي تعود عليها ..بطريقة حلوه :

 تخيل أنك لست أنت، انت موب احمد الرياض ، انت احمد يعيش في استراليا أصلاً ومايعرف الرياض !تخيل أن هذي حياتك لاتفكر بموضوع الغربة هذي موب غربة هذي قارتك واول شي شفته في حياتك وهو الشي الوحيد اللي تعرفه في حياتك وتصرف على هذا الأساس...

واذا انهيت مكالمة مع اهلك اقطع الاتصال في راسك بعد

وارجع احمد اللي طول حياته عايش في استراليا، تقمص!اذا ماقدرت، كأنك في فلم

ارجع لشخصيتك الحقيقية اذا اتصلت بالرياض وتأكد انك قطعت الاتصال في راسك بعد ماتنهي الاتصال الهاتفي او غيره..

استكشف اشياء جديدة وعيش زي مايعيش الاسترالي الأصلي عشان ماتترك فراغ ممكن يدخل معه الحنين ويطيّح بيتك على راسك خخ

جربها، لانك اذا رجعت للرياض ماراح تقدر تجرب هذا في حياتك، والله حلو

الحنين مايفيدك، وموب كونك ماتحس بالحنين او ترفض هذا الاحساس يعني انك بدون قلب ،وموب اذا انبسطت في عالمك الجديد تحس بالذنب @@ عادي ايش المشكلة في كونك مرتاح !!انت ماتبرأت من الماضي انت تحاول تعيش الحاضر بس!

حاول تنفصل نفسياً عن الأشياء اللي تعودت عليها،عاجلاً ام آجلاً بتضطر فليش تطول الموضوع@@

بالطريقة هذي بتحقق الهدف اللي انت اصلاً جاي عشانه

استمتع بوقتك واتمنى لك حياة جديدة مسلية D:

 وانشالله الدراسة كويسه؟

نتبادل؟
..................


مدري وش أقول أحمد...

الله يعينك إذا انت من النوع اللي تفكير الغربه يزوره دائما يعني يحب المكان ويفقد انه يعيش هنا (السعوديه)..


نصيحه استمتع بوقتك وشد حيلك....وعقبال ماتطير الايام ونشوفك راجع ونبارك لك

الغربة قاسيّة وموجعة

لكنها تصقل الشخص كثير

ودائماً ماأقول الناس للي درست برا هي الناس للي قادرة على الإنتاجية

ومسايرة الحياة

أحس إنهم ناس فاهمة الحياة صح

وقادرة على تحمل المسؤؤلية

أجعل الغربة دنيا جديدة لك

حاول تعيش حياتك هناك صح

تعلم من عادات للي هناك وحياتهم

حاول تأخذ منهم كل مفيد

وتذكر إنك شخص راح تنقل صورة عن دين وبلد

وصدقني راح تكسب الكثير.

حط بالك صحيح إن الغربة شيء لأيطاق لكن

ماهو صعب إننّا نتعايش معها.

السر في داخلنا إحنا وطريقة تعملنا معها

يما نجعل منها تجربة سيئة و لّا تجربة حلوة.

لأ تفكير كثير!

مالذي يؤلمك في أن تسافر أكثر من ان تفارق ما تحب، الأرض والسماء والوجوه.

إختصرت الكثير بهذه العباره ..

عموما إستراليا وانت أخبر مني فيها ..

أفضل بكثير من بعض الدول..التي تحس فيها فعلاً بغربة حقيقه وصعبه ..

أتمنى لك التوفيق..

وترجع بالسلامه..

الله يعينك ويصبرك ع الغربه

والله يوفقك وتخلص بسرعه وترجع..

يالله اكره هالاحساس...

 ربنا معاك

الله يعينك احمد ويوفقك ربي

 كل ما اشتقت فكر بهدف عشان تخلص بسرعه 

لان اذا رجعت  راح تشتاق هالمكان  وبتقول ودي لو ارجع  ,, استمتع كنك في اجازه  ورحله استكشاف  طويله  وممتعه

الله يعينك ويوفقك

بس حاول تنبسط

غيرك يتمنى يكون مكانك

مهو أنا لا تناظرني

البرد قارص والغربة ملعونه اينما كانت - اي والله 

-لاني كنت بمكانك- 

الله يعينك ويرجعك سالم ،، بعدين ليش هالشكل السنه بادية غير!! النظام غير باستراليا!!!

انت بس كشاب وضعك اهون نفس ماقلت حاول تشغل نفسك وتعب رووحك على الاخير  صعب ادري خصوصا بالليل يوم كل شي هادئ الا انت ومخك و دقات قلبك ،،ادري ،،ممم ماباقول ابك ،،لاني حاولت احيان كثيرة اهرب منه حتى مااضعف

بس حاول وربي يسرها

- الحين مفرووض استفدت من تجربتي ومااسافرت -

ولاتنسى ووثق غربتك بيومية حتى لو تحس كلها حزن بالاخير هى الذكرى الباقي منها

و- استودعت مالك وخواتم اعمالك واهلك- تقر عينك بشوفه هلك إن شاء الله قريب 

’مدخل

إبْتسِمْإضْحَكْ وُخَلْ الْهَمْ يتْكَدّرْ
وإرْسِمْ عَلى خَدّكْ وُرُودْ لاَتُقُولْمَآقْدَرْ
إبْتسِمْ إفْرَحْوُحَاولّ تنْسَى آلآمكْ
إنْسَى قِسى كِلّ الظُرُوفْ حَقّقْ آمَالكْ

لك دعواتي يا أحمد

مخرج‘

تنَاسَى كِلّ مَافَاتكْ
ورِدْ البَسْمَهلشْفَاتكْ
آبيّ تِرْجَع مِثلْ أوّلْ
وتَمْلَى الدّنْيَا ضِحْكَاتِكْ

^

^

^

أخس أخس

^

^

^

^

 يعني حركات يا بركات خخخ

وتقول لنفسك : سوف أرحل ...

الى بلاد أخرى .. الى بحار أخرى ..

الى مدينة أجمل من مدينتي هذه ..

من كل جمال في الماضي عرفته ..

لا أرض جديدة يا صديقي هناك ..

ولابحر جديد.. فالمدينة ستتبعك ..

وفي الشوارع نفسها.. سوف تهيم الى الابد..

وضواحي الروح نفسها سوف تنزلق..

من الشباب الى الشيخوخه ..

وفي البيت نفسه سوف تشيخ ثم تموت ..

لاسفن هناك تجليك عن نفسك ..

آه ألا ترى ..؟

أنك يوم دمرت حياتك في هذا المكان..

فلقد دمرت قيمة حياتك في كل مكان آخر على وجه الارض ..!

( كافناي )

اممم ،

والله الغربه شينه ، وخاصه في مثل مكان ،

المدن الصغيره تمر فيها الحياة بطيئئئه ،

في سيدني مثلاً ، الحياة هنا مختلفه كثير ...

المشوار الواحد ياخذ اليوم كله ، الدنيا تركض ، مو قادرين نلحق عليها ولا حتى نفكر بهم الغربه ،

الله يعينك ان شاء الله ،

أحمد الله يسهل أمورك وتمر الأيام وقد حققت أحلامك 

قد تمضى كل عمرك في بلدك ولا تنجز حلمك !

 التكنولوجيا في صالحنا ، لو تستخدم برنامج سكايب ترى بيتكم وأخوانك وأهلك كلهم 

الأيام ستمضي هناك وستعود لوطنك بإنجاز سيسعدك  بالتأكيد ..

بالنسبة للنسيان هذه نعمة لتتكيف مع حياتك المؤقته في إستراليا .

أكيد شعور الغربة صعب لكن ضع أهدافك نصب عينك كل يوم لتهون على نفسك الأمر ..

الله يوفقك وترجع سالم لوطنك وأهلك 

مشكله الغربة اذا رحت تدرس مو غربة المكان بل غربة الأصدقاء و الوحده

لازم يكون معك احد ترتاح له و لو جزئياً يعاونك و تعاونه

بإذن الله راح تتعدى هالشعور و هو شعور طبيعي يجي و يروح

أهم شي سو لك خطة بحث مبدئية متكامله عشان تخلص بسرعه ... اذا ما اخترت موضوع رسالتك من أول سنه راح تطوّل ... اشغل نفسك بأي هواية و حط لك مشروع صغير لأوقات الفراغ عشان ما تفكر

حول غرفتك لورشة مصغره للهواية اللي تحبها .

و الله يوفقك

وكلما سارعت بقطع صلتي بذلك الوطن البعيد خفَّ ألمى ومضت ايامي بسرعة وكلما تعلقت به واستعجلت اليه كلما تعثرت.

ترى هالكلام صحيح  و لا تلوم نفسك انك نسيت ..لأنك أصلا ما راح تقدر تنسى هذا مجرد نسيان مؤقت عشان تقدر تتعايش مع الوضع الجديد ... أهم شي لا تقطع اتصالاتك بأهلك

و عيش التجربة الجديده بكل ما فيها ... اذا بقيت متعلق بالماضي ما راح تقدر تتعلم شي من حياتك الجديده ... مع العلم ان هذي الحياة الجديده بتقدم لك دروس نادرة ما تحصل عليها بين اهلك.

و هالسنه ان شاء الله راح تعدي مثل و أحسن من اختها اللي قبلها ...

و تذكر دعوة المسافر و الصائم مجابه ... و احنا برمضان ... كلما اشتقت لأهلك ادعي لهم .. هذا أحسن شي ممكن تسويه لهم الحين .