اقتباس: أروى@August 9, 2009, 11:35 am

يعطيك العافيه احمد ..

تشوقت لـ النيو لوكْ ..

 

ما عندي اضافات حاليه.. حابة الرحة بكل تفاصيله

عسآك ع’ القوه’’

 بيعجبك متأكد  وتحبينها اكثر ان شاء الله.

اقتباس: بنت البكار =.)@August 9, 2009, 11:37 am

أحمد ..

جد جد جد كلمة شكرا ما توفيك حقك

أساسا ألحين الرحله تمام .. حتى مع الأشياء اللي ناقصه .. يعني بـ وجودها وبـ عدمها الرحله مااشيه ..

يعطيـــك العاافيه يارب .. ما قصرت  وخذ وقتك

مبسوط بكلامك

اقتباس: ϚѦϻѦƦ@August 9, 2009, 1:37 pm

جد  يعطيك العافية أحمد

واذا على الاضافة انت الي قلت " هلابك " في البداية وورطت نفسك <<< ماتمزح ابد ههههههه

بس العفو لي الشرف خيو

يعني عندي بعض الشغلات (اقتراحات) بس رايحة  مشوار وراجعة

 خذي راحتك سمر وحياك دايماً موب توريطه ولا شي بالعكس.

اقتباس: Op La@August 9, 2009, 5:38 pm

ايه عندي طلب

ترجع الرحله القديمه ذي مب زينه معد صارو يجون الاعضاء حقين

منول

وبعد ابي المنتديات والموااضيع ذيك

وبعد الصفحه الخاصه اللي فيها اصدقائي واللي زاروني

وبعد الاعضاء اللي دخلو اليوم والمتواجدون حاليا

والالوان مهب حلوه فاتحه مره غمقها

الله يخليك رجع الرحله القديمه اشتقت لها

كيف ارجع شي راح وانتهى لا تضيقين صدري امجاد ليه مانحب هالجديد.

 ماقدر ارجع الأشياء القديمه كل انسان يسوي الي يريحه وكل شخص له ظروف غياب مختلفه عن غيره.

بحاول اضيف اسماء الاعضاء الي زارو يوميتك. والأعضاء الي بالموقع والي زاروه بآخر ٢٤ ساعه موجوده بالنسخة الجديدة والألوان بتعجبك لأنها اغمق بكثير.

يمكن يعجبك بالنسخة الجديدة حولت التصنيفات الى منتديات بأول الصفحة كل المواد تتصفحينها على اساس انها مواضيع بمنتديات/اقسام ولو كان القسم تصوير مثلاً يصير مصغرات للأعمال وكذا.

اقتباس: RAYIA@August 9, 2009, 6:20 pm

 

 

يعطيك العافية أحمد ويقويك.

أمممم

خاطري لو يكون في بوكس في أخر الرحلة نشوف منّو للي داخل من الإعضاء لأن أحس بالوحشه إذا دخلت.

وبعد ياليت يكون من ضمن الإعدادت للشخص إنة يشوف ردوده تكون مثل خلاصة أو يقدر يدخل عليها

لأني مرات أرد في مواضيع وأنساها أو تكون يومية العضو للي رد مو ظاهرة فاماأقدر أشوفها.

وإن تضيف الفيسات في بوكس الردود.

هذا أبرز شيء.

 ريا اهلا ... الأعضاء الحاليين والي زارو الموقع بآخر ٢٤ ساعه موجوده بالنسخة الجديدة مسويها من زمان. وبخصوص التعليقات حتى انا اواجه هالمشكلة ما اعرف لمن اعلق على مادة اذا صاحب اليومية رد عليها بعدها او لا فيه حل من اثنين الاول يصير فيه زر مثلاً يعرض لك المواضيع الي عليها تعليقات بآخر يوم وآخر ٣ ايام وآخر اسبوع مثلاً والحل لثاني تجيك رسالة لمن يصير فيه اي تعليق جديد على اي مادة انتي علقتي عليها وبنفس الوقت هالاختيار لصاحب اليومية تجيه رسالة اذا فيه تعليقات على يوميته. بخصوص الابتسامات ان شاء الله بحطها لا تشيلين همها موب صعبه.

اقتباس: طــلــووو@August 9, 2009, 7:07 pm

^

^

^

أنا بعد تهمني أقتراحات الأخت ريا

وعندي أقتراحات آخرى:

- خاصية تمكني من حذف جميع رسائلي .. حتى المكتوبه لي من أعضاء أخرين.

- خاصية رسائل خاصة .. ولو تكون هذه الخاصية متاحة لمنهم في قائمة أصدقائي.

أعتقد بأن فكرة الرسائل جداً مميزة بالرحلة .. عشان كذا إقتراحاتي كانت لها بالذات وركزت عليها

ولو يكون هناك خصائص خاصة بفئة الأصدقاء .. وذلك لتحفيز هذه الخاصية .. وجعلها أكثر من مجرد قائمة.

إقتراح بسيط وليس بتلك الأهمية:

- وضع صندوقي تسجيل الدخول (الأيميل-والرمز السري) في أعلى الصحفة (مثل طريقة الفيس بوك) .. وهذي لتيسير الدخول بتحديث الصفحة مرة واحده .. بدل مرتين.

وبالنهاية الله يعطيك ألف عافيه

اهلاً طلال وش الفايده من خاصية حذف كل الرسائل! واتوقع اضيف الرسائل الخاصة بس صراحة موب بالأولويات. معك بموضوع الأصدقاء هي اساس لشي بعدين لكن للأسف ماعرف وشو؟! وضيف ان شاء الله صندوق التسجيل بالأولى.

اقتباس: ϚѦϻѦƦ@August 9, 2009, 7:45 pm

اهااا

اقتراحاتي

أولا : بما أني من الجديديين حابه اشكرك احمد على هالمساحة الي سويتها لنا من جد شي حلو مو مدونة مو منتدى يعني شي من ذي وشي من ذيك واحلى مافيها انها تفاعلية  كلنا نقدر نسولف سوا

ثانيا: كثير عندي مشكلة بالتنسيق خصوصا مع هالخط يصير الكلام على بعض وبالردود مافي كثير خيارات للتنسيق يعني اختصارات وصور او مقطع صوت وهيك شي ..كمان الصور في المدخلة مالقيت طريق تدلني كيف ارتبها يعني كلام وصورة وبعدة كلام وصورة... لان كل الصور تصف لي تحت..

اتمنى يكون فيه استعراض للمادة المدخلة او الرد قبل نشرة, يعني عشان اتاكد اذا انا كاتبه صح لازم انشر كمسودة واذا بغيت اعدل احرر مسودة ثانية  وهكذا <<ياليل المسودات

ثالثا: اساند وبشدة اخوي طلال بسالفة الرسائل الخاصة

رابعا: ياليت يكون فيه هرم اداري للموقع يعني بعد المدير نائب وكذا مشرف يساعدنا ببعض الامور الي تكون غالباً تقنية  <<<<  ترشح طلوو

وبس عسى ماطولت

 اهلا سمر بيصير فيه صندوق الابتسامات وفيه رابط اضافة شي من اليوتيوب بس ماعرف وش بعد مطلوب اختصارات للإيش يعني! بخصوص الصور لمن ترفقين صورة يطلع جمبها رموز بصندوق انسخي هالرموز وحطيها باي مكان بالموضوع وبتطلع الصورة او المرفق مكانها بدال ماتطلع بآخر الموضوع واذا ما اضفتي هالرموز بتطلع المرفقات والصور الي حطيتيها بشكل آلي بآخر الموضوع. مافيه استعراض لأن الموضوع بيطلع زي ماكتبتيها المحرر WYSISYG يعني الي تشوفينه هو الي بيطلع وبنفس الوقت فوق صندوق العنوان فيه رابط يفتح بصفحة جديدة تشوفين فيه الموضوع بس اضغطي زر حفظ بعدين اذا حفظ زوري الرابط الي فوق عنوان موضوعك وتشوفين الموضوع بشكله النهائي وبعدها تقدرين تختارين نشر وتضغطين بعدها زر حفظ الموضوع وينشر.

ان شاء الله بحط الرسائل بس بمرحلة جاية موب هالمرة. صممت الموقع وببالي فكره ان كل شخص مسؤول عن نفسه والي يكتبه ومايكون فيه حاجة لوجود اي مشرف او مدير.

اقتباس: وفاء خالد@August 10, 2009, 3:20 am

مشكور أحمد وما قصرت .. جهد كبير الله يعينك ..

 

الرحلة عاجبتني زي ما هي .. وإذا في أي فكرة بقولها لك مباشرة

 شكرا وفاء

اقتباس: نــدى@August 10, 2009, 3:47 am

يوووووو أنا ماني بطالبه شي..يمديك على طلبات الباقين اصلا؟ لول

 

موفق..

 اهلاً .. ان شاء الله يمديني واذا بخاطرك شي قولي

اقتباس: Maria@August 10, 2009, 9:46 am

 hello there .. so its you and I have been wondering who , who ? hhh

man its a great place I really love it  masmoo7 7emdellah 3ala elsalama .. since am new here and have no idea how the old version was like I cant say much just keep it up bro  and thank you

 
dam, i must move again

the old thing was a traditional discussion board and a blog system attached to it, this one i made myself and i'm trying to improve it every now and then

most welcome

اقتباس: real@August 10, 2009, 11:14 am

أحس إنّى أغطّ فترة وأرجع

اممم أول شي جد مشكور أحمد الجهد اللي تسويه مو شويه ..

بالنسبة للاقتراحات .. عندي ثنين أحسهم مهمين بالنسبة لي مااعرف اذا بالنسبة لغيري أو لا ..

اممم أول شي زي ما تلاحظ الحين الواحد يحاول قدر الامكان يجمع بين العوالم اللي هو فيها .. زي تويتر الفيس بوك والامكان الاجتماعية العالمية .. مثلاً لو كان فيه امكانية إن الردود اللي هنا اللي زي نظام تويتر ممكن اربطها مع تويتر .. فلما اسوي اضافة هنا .. تنرسل على تويتر مع رابط الاضافة هنا .. منها يصير نشر أكثر ومنها يصير الواحد يتواجد هنا ولا يتستغنى عن مكانه هناك ومنها بعد ما يضطر يعيد كلامه بكذا مكان ..

اممم الاقتراح الثاني.. ضروري ضروري يكون فيه rss feeds للمستجدات بالصفحة الرئيسية .. بحيث يصير الواحد على اطلاع بالموقع والمتواجدين بشكل أفضل

وفيه برضه اقتراح اضافي انه ينضاف تحت كل خبر او موضوع او مدونة او حتى عمل فني .. امكانية share .. في اماكن معينة ..

وبس يعطيك الف عافية احمد ..

 اهلا ريما.. فكرت بتويتر وفيس بوك بس ماعرفت طريقتهم لحد الآن بس الي كان ببالي احط رابط مثلاً جمب عنوان يوميتك او رسالتك لمن تضغطينه يرسل عنوان ايلومية ورابطها او الرسالة نفسها الى تويتر وتكتب كإضافة جديدة status يعني. ماعندي خلفية عن ال share الي تقصدين.

فيه rss تجريبي ليوميات الرحلة كنت مسويه زمان وتقدرين تستفيدين منه بس ما اعتقد اسوي rss لكل يومية لن ودي الي يبي الموقع يزوره صدق. ال rss هذا يناسب مواقع اخبار مواقع كبيرة او مدونات شخصية لحالها بس احس الرحلة موقع متنوع فيه اشخاص ويوميات ومعارض وكذا المفروض نشجع زيارته بدل ما نسهل متابعته من على البعيد كذا.

جربي هذا الرابط اذا تبين

http://lifejourney.com.sa/rss

اقتباس: شَـذَىْ!@August 10, 2009, 11:28 am

 شكرا شذى

اقتباس: مغرورهـ@August 10, 2009, 10:54 pm

مممم ماقريت اللى فووق بس لاحظت اني كل مرة اغير باسي وبعدين احاول ادش فيه مايدش!! فاظطر اني اخذ باس اتوماتك ولما اغيرها لباس سهل لى ماايدش

check it in the new db

 الباسووردات مسوى لها هاش hashing يعني ماتحفظ كلمات المرور اصلاً الي يحفظ هو hash لكلمة المرور الي تختارينها. يمكن الباس الي تختارينه فيه فاصله مثلاً؟ انا ماعرف بس اخمن لو استمرت معك المشكلة وحبيتي تراسليني بالتفاصيل على ايميل الموقع بتأكد لك من هالشي postoffice@lifejourney.com.sa

اقتباس: d r o p s@August 11, 2009, 1:30 am

احبها مثل ماهي

بس اعاني من شي بسيط  في اغلب الاحيان يطلب مني تسجيل دخول

وانا كثيرة النسيان :

 

 

 يطلب منك اعادة تسجيل الدخول اذا كملتي ست ايام متصلة وانتي داخلة

شكراً دروبز

اقتباس: real@August 11, 2009, 1:45 am

امم ايه احمد فيه اقتراح اضافي .. اممم اللنكات الخارجية ياليت تنفتح تلقائياً بصفحة خارجية وما تفتح على الرحلة واضطر اسوي باك .. مدري اذا فهمت علي

وادري غثّيتك .. بس كل ما يجي على بالي شي بأقول

 بالعكس. الروابط الي في اليوميات يعني المواضيع نفسها ماقدر اسوي فيها شي معقدة علي صراحة.

خليت الروابط الي بالرسايل تتحول لروابط من نفسها وبنفس الوقت تفتح بصفحة جديدة.

اقتباس: حياة روح@August 11, 2009, 3:03 am

 

 

اقتباس: RAYIA@August 9, 2009, 6:20 pm

 

 

يعطيك العافية أحمد ويقويك.

أمممم

خاطري لو يكون في بوكس في أخر الرحلة نشوف منّو للي داخل من الإعضاء لأن أحس بالوحشه إذا دخلت.

وبعد ياليت يكون من ضمن الإعدادت للشخص إنة يشوف ردوده تكون مثل خلاصة أو يقدر يدخل عليها

لأني مرات أرد في مواضيع وأنساها أو تكون يومية العضو للي رد مو ظاهرة فاماأقدر أشوفها.

وإن تضيف الفيسات في بوكس الردود.

هذا أبرز شيء.

 

 

اقتباس: real@August 11, 2009, 1:45 am

امم ايه احمد فيه اقتراح اضافي .. اممم اللنكات الخارجية ياليت تنفتح تلقائياً بصفحة خارجية وما تفتح على الرحلة واضطر اسوي باك .. مدري اذا فهمت علي

 

 

وانا كمان

 

يعطيك العافيه..

 

 

نورتي حياة

اقتباس: منى@August 11, 2009, 2:14 pm

احمد ليش سويت موقع رحلة حياة؟

 to make friends

اقتباس: ~ماندولين~@August 12, 2009, 4:03 am

وعليكم السلام ..

 

متشوقه كثيراً للنسخة الجديدة بالتأكيد ستكون مذهلة ..

 

بالنسبة للطلبات .. مثل ماتفضلت به d r o p s   إذا أمكن ..،

 

شكراً على جهودك

 

 

 

 شكراً ماندولين. يطلب تسجيل الدخول اذا استمريتي داخله ٦ ايام متواصله. خلي المتصفح يحفظ كلمة المرور واسم المستخدم اذا تحبين وبكذا اول ماتحطين المؤشر بالخانة بيطلع اسمك ويتعبى النموذج فوراً وبس تضغطين دخول بعدها.

اقتباس: uniQue@August 16, 2009, 1:07 pm

مرحبا أحمد.. ما قصروا الأعضاء في الاقتراحات
في شغلة مهمة ما أدري وش وجهة نظرك تجاهها،
الموقع الآن -بما إنه اتجه تماماً لفكرة المدونات الشخصية- يقيد صاحب المدونة بالأعضاء المشتركين، ويحرمه من تفاعل غيرهم من زوار مدونته.
فلما أضع رابط لمدونتي هنا في أي مكان؛ يهمني تفاعل زوّاري من خارج الموقع ورأيهم في اللي أكتبه ووجهات نظرهم، والوضع الحالي يلزم الراغب في التعليق بالتسجيل. وهذا يحرم صاحب المدونة من شريحة عريضة من الناس ممكن يفيد منها ويستفيد.
بكذا المكان صاير في المنتصف ما بين التدوين الحقيقي وما بين فكرة المنتدى المقتصر على أعضائه.

أتصور لو كان على الأقل الخيار يعود لصاحب المدونة نفسه، في إنه يحدد نوعية الناس اللي تتفاعل مع تدويناته، أعضاء الموقع أو زواره من الخارج، بيكون الوضع أفضل بكثير.
بحيث يكون له كامل الصلاحية في مدونته الشخصية، و يكون له تحكم في التعليقات وأصحابها ونوعيتها، زي ما نشوف في التدوين اللي توفره مواقع المدونات المجانية الأخرى.

 اهلاً يونيك. كلامك حلو بس يبيله تخطيط كويس ويبيلها استعداد فني بخيارات الي ذكرتيها وامكانية حذف صاحب اليومية للتعليقات وهالأشياء. قلتي الايجابيات طيب وش العيوب في هالفكرة؟

اقتباس: Nutmeg@August 18, 2009, 7:59 am

سلام أستاز أحمد..

عندي ملاحظة على الإقتباسات قبل التطوير الأخير كانت بارزة تقرأ باستمرار أما الآن صارت يوزليس تنكتب وتنسي بالإضافة أن بعض الأعضاء يضيفون صور عليها أو تعليق يخرب الشكل في الصفحة الأولى.

اقتباس: الذهب@August 19, 2009, 5:30 pm

Hala Ahmed

I can't add any comments when i browse the website from my blackberry!

وانت اتعرف إدمان البلاك بيري مب سهل ههههه

يمكن فيه شي ف الأكشن سكريبت فـ الأمر (إضافة التعليق)

 

.

.

وشكراً .. مجهود رائع ومتحمسه عاللوك اليديد

اختك

الذهب

اهلينا ذهب

تعرفين المتصفحات الي ماتدعم جافا ماراح تقدر تضيف التعليقات لأن لازم تشغيل الجافا سكربت حتى ترسل التعليقات للموقع بدون اعادة تحميل الصفحة وللأسف ماعندي الطاقة ولا الدافع اعدل الموقع بحيث يدعم المتصفحات الأبسط.

ان شاء الله بعد ما احس الموقع اكتمل اشوف كيف يعرض بالجوالات او الآي فون وارتبه اكثر واخلي مثلاً صفحات خاصة للرسايل وش لليوميات وكذا حتى تعرض بشكل حلو بالأجهزة الصغيره.

اقتباس: عود الياسمين@August 22, 2009, 11:57 am

هلا أحمد وكل عام وإنت بخير بمناسبة شهر رمضان ..

 

طلبي الوحيد حالياً كتابتنا السابقة في الرحلة لو ممكن ترجع مع الحالية ..

سبق طلبت منك .. تضيف كتابتنا السابقة .. بالأخص قصتي في الناشر ..

صديقة السلطان .. !

اهلين وكل سنة وانت طيبه والله يبارك لنا جميعاً بالشهر.

اعتذر على التأخر بموضوع المنتدى بس انا قلت برجعه وقت ما احط النسخة الجديدة من البرنامج وانا على كلمتي بس تحملوني شوي حتى لما اشتغل على الموقع الحي اشتغل مره وحده افتح فيها المنتديات القديمه واركب النسخة واحفظ الموقع وهالأشياء.

اقتباس: Orva@August 23, 2009, 1:34 pm

أنا أقول لو فيه مرجع لطريقة تنسيق صناديق اليومية <- عقدتي بهاليومية هالصناديق ماعرفت أنسقها وأنسق الصور جواتها من دون مايكون تحتها عدسـة !

+ وين خاصية تعديل الرد من دون ماأحذفه وأعيده من جديد .. :

 

واللهي أحب رحلة حياة ، ومن زمان متابعته لكن معليش خلنا نتعود ع الحركات الجديد ، تحملنا طيب ؟ : )

 

طيب

المكبر الي يطلع يكون بس اذا الصورة الي اضفتيها بالصندوق اعرض من 150 بكسل

(بالنسخة الجديدة صغرت المكبر وزدت العرض الأقصى قبل يطلع المكبر)

التحرير والله اكتمل بالنسخة الجديدة وأكثر من كذا: زينته بحيث تقدرين تضيفين مرفقات بتعليقاتك.

وبخصوص الشرح بحاول جهدي اشرح أصعب الأشياء ابشري من هالعين قبل هالعين بس بخليها مع النسخة الجديدة طيب؟

اقتباس: Orva@August 25, 2009, 6:47 am

yesssss، ضبطت يوميتي (l) .. ميرثي

ههههههههه

العفو